PIÈCES JUSTIFICATIVES
DE L’INTRODUCTION.
Entrée de Marguerite d’Écosse, à Tours ; son mariage avec le Dauphin.
En la mesme année 1436j le dimanche vingt-qua-Iriesme jour de juin, jour et feste de sainct Jean-Baptiste, madame Marguerite, fille de Jacques, roy d’Escosse, entra en belle et noble compagnée dedans la ville de Tours, comme Daupliine, et fut receue fort honorablement de ceux de la ville : elle estoit montée sur une hacquenée fort richement couverte : après et derrière elle estoit madame de la Roche l’aisnée sur une autre hacquenée, et pareillement plusieurs autres dames et damoiselles d’Escosse : puis suivoient deux chariots pleins d’autres dames et damoiselles. Quand ladite Dauphine fut à l’entrée de la ville, les sires de Maillé et de Gamaches qui estoient venus au devant d’elle à pied, prirent la hacquenée de ladite dame par le frein, l’un d’un costé et l’autre de l’autre, et en cet esquipage alla jusques au chasteau, 011 elle descendit à pied : alors monseigneur de Vendosme la prit d’un costé et un comte d’I^scosse de l’autre ; lesquels la menèrent au chasteau en la salle, où estoit la reyne de France, la reyne de Sicile, madame Radegonde, fille du Roy, madame de
