que chrétiens catholiques, usent de l’habit et du langage des Mores. (Édit. de Poitiers.)
Un autre avanture nous avint en la mer, avant que nous venissions à terre, qui fu tele ; que une des béguines la Royne[1], quant elle ot la Royne chaucée[2], si ne se prist garde, si jeta sa touaille, dequoy elle avoit sa teste entorteillée, au chief de la paielle de fer là où la soigne la Royne ardoit[3] ; et quant elle fu alée coucher en la chambre desous la chambre la Royne, là où les femmes gisoient, la chandelle ardi tant que le feu se prist en la touaille, et de la toaille se prist à telles[4] dont les dras[5] la Royne estoient couvers[6]. Quant la Royne se esveilla, elle vit la chambre toute embrasée de feu, et sailli sus toute nue, et prist la touaille et la jeta en la mer, et prist les louailles et les estaint[7]. Cil qui estoient en la barge de cautiers crièrent : « Basset, le feu ! le feu[8]! » Je levai ma teste, et vi que la touaille ardoit encore à clère flambe sur la mer, qui estoit moult quoye. Je vesti ma coste au plustost que je poi, et alai seoir avec les mariniers. Tandis que je séoie là, mon escuier qui gisoit devant moy vint à moy, et me dit que le Roy estoit esveillé, et que il avoit demandé là où je estoie ; « et je li avoie dit que vous estiés aus chambres ; et le Roy me dit : Tu mens.» Tandis que nous parlions illec, à
- ↑ Que une des béguines la Royne : car une des religieuses ou dévotes qui suivoient la Reine.
- ↑ V. Quant elle eut la Royne couschée.
- ↑ Au chief de la paielle de fer là où la soigne la Royne ardoit : auprès de la poêle ou du bassin de fer où la chandelle de nuit de la Reine brûloit.
- ↑ A telles : aux toiles.
- ↑ Dras : habits.
- ↑ V. et de la touaille aux toiles dont le drap de la Royne estoit couvert.
- ↑ V. print la touaille et la gecta toute ardant en la mer, et estaignit les toiles.
- ↑ V. crierent le feu ! le feu !
