Le texte de cette page a été corrigé et est conforme au fac-similé.
92
la comédie
Et le maçon avecques sa truelle
Peut bien bastir une maison nouvelle :
Bref tous les artz sont sans plus caressez
De ceux qui sont à les faire exercez.
Le Poete
Je suis exempt de la tourbe ignorante,
Et ne suy point le chemin qu’elle tente.
Genin
Or respondz-moy ; pourquoy viens-tu icy ?
Le Poete
Je veux oster du tombeau obscurcy
Par mes beaux vers Nephelococugie.
Genin
Qui t’a desjà dict son nom, je t’en prie ?
Il n’y a pas une heure que je croy
Qu’elle a esté nommée ainsi de moy.
STROPHE OU ODE
Le Poete
Plustost que le traict ne vole,
Soudain qu’il est décoché,
Que la volante parolle
N’a point le vuide tranché,
Et que n’est une pensée
Dans nostre esprit eslancée,
Le nom en terre est volé
De Nephelococugie,
Lequel en ma poesie