Le texte de cette page a été corrigé et est conforme au fac-similé.
ieunes attirent plus d'air infect que les aultres.
Et ẛi l'air eẛt fort infect, ou le corps cacochyme & plain de mauluais humeurs, fault euiter grãd labeur & exercice, q cõtrainct reẛpirer beaucoup.
Preẛeruation de Peẛte
* Pour mieulx vẛer de preẛeruation,& rẽdre le corps apte à reẛiẛter à ẛon ennemy, qui eẛt l'air infect, fault purifier le dict corps des ẛuperfluitez, ouurir les oppilations, & rẽdre le corps tranẛpirable, & fortifier le cueur, eẛtomach & aultres parties. Leẛquelles trois choẛes ẛi vn chaẛcun pouuoit, touẛiours biẽ accomplir, ne fauldroit craindre fiebure putride aulcune, ne (qui plus eẛt) peẛte, ẛelon Galẽ, combien que cela ẛoit paradoxe à beaucoup de gens.
