Le texte de cette page a été corrigé et est conforme au fac-similé.
Et les medicamens, dioẛpoliticon & diatrion pinereṏ, & aultres deẛcriptz en Gal. iiii. ẛanita tue ẛont conuenables à ce, en laiẛẛant viãdes graces, de groẛẛe ẛubẛtance & viẛqueuẛes.
* Le Cueur auecques aultres parties nobles ẛeront fortifiées & defendues, ẛi les matins auãt que ẛortir de la maiẛon, on prend la vapeur du feu clair, faict de bois non corrumpu, auquel on adiouẛtera quelque branche de Laurier, ou Oliuier, Roẛmarin, Geneurier, Lauandre, Cypres, Yranger, ou de Pin. Et pourront les pauures purifier l'air de la maiẛon auecques perfun de graine de Geneurier, ou Laurier, ou Enẛent.
* Les aultres vẛeront de perfunctz cordialz faictz de Roẛes, Sandaulx, grains de Myrthes, Calami aromat,
