Le texte de cette page a été corrigé et est conforme au fac-similé.
res qui par ce moyen chaẛẛa la peẛte de la ville d'Athenes, & de la Grece. Leẛdictz feuz ẛeront faictz ez lieux plus ẛuẛpectz & infectz, pres des boucheries, & d'ou on habille les cuirs & pealx, & ou l'air eẛt eẛtouffé, non purifié, ne par ẛoleil, ne par vent de nort, & faut que ledict feu ne ẛoit petit, ains grand & de longue durée : de boys ẛec non puant auquel (comme à eẛté dict) on adiouẛtera laurier, roẛmarin, geneutier, enẛant & aultres choẛes aromatiques.
Auẛsi pour tenir l'air de la ville net & pur, ẛeroit bṏ mettre ordre qu'aulcun pauure n'allaẛt vagãt par la ville.
Et pour ce quil y a troys manieres de pauures, les vngs ẛains & valides, les aultres vlceres, grateleux, les aultres griefuement malades & couchez
