Le texte de cette page a été corrigé et est conforme au fac-similé.
ue que ceẛt plus grand charité de les faire trauailler, les mettre à meẛtier & les faire guarir & pẽẛer des galles, vlceres & aultres infections de cuir, que de les laiẛẛer eẛtre vaguabons & errans par les rues & aux portes des habitans de la ville.
Quant aux aultres pauures qui ẛont griuement malades & couchez au lict, fault les traicter diligẽment comme aultres foys ay monẛtré par vng aduertiẛẛement ẛur la police de l'hoẛpital de c'eẛte ville, baillé à meẛsieurs les Iuratz, auquel auẛsi eẛt cỡtenue la maniere de tenir l'hoẛpital net de pluẛieurs ordures & immundicitez, leẛquelles peuuent porter infection, & putrefaction abominable tant aux pauures, auaux habitans de la ville qui vont viẛiter ledict hoẛpital.
