mais on sceut bien-tost après la vérité du faict, et que le seigneur de Canni n’y avoit nulle coulpe.
Le lendemain, quand se vint à porter le duc enterrer, il y avoit moult de grands seigneurs de son lignage à tenir la main au drap, et à faire le dueil au corps ; et fut enterré aux Célestins. Entre les autres y estoit le duc Jean de Bourgoingne, qui avoit faict faire ceste besongne, et faisoit le dueil par semblant, et n’en sçavoit-on encores la vérité. En tant qu’on portoit ledict duc enterrer, le sang du corps coula parmy le sercueil à la vueüe d’eux tous, dont y eut grand murmure de ceux qui là estoient, et de tels y en eut qui bien se doubtoient de ce qui en estoit ; mais rien n’en dirent à présent. Après l’enterrement dudict duc, les seigneurs qui là estoient prirent conclusion d’estre le lendemain au conseil tous ensemble pour ceste besongne.
Quand vint le lendemain, que les seigneurs furent assemblez, le duc de Berry[1], oncle dudict duc, y estoit avec le duc de Bourbon[2], et des autres grande planté : et le duc Jean de Bourgoingne monta à cheval pour aller au conseil avec les autres, accompagné du comte Waleran de Sainct-Paul[3]. Quand ledict duc vint
- ↑ Jean de France, duc de Berry et d’Auvergne, etc., second fils du roi Jean et de Bonne de Luxembourg, né au château de Vincennes, le 30 novembre 1340, mort à Paris, le 15 juin 1416.
- ↑ Louis II du nom, duc de Bourbon, comte de Clermont, etc., né le 4 août 1337, mort à Montluçon, le 19 août 1410. Sa sœur, Jeanne de Bourbon, avoit épousé Charles V.
- ↑ Valeran de Luxembourg, comte de Saint-Pol et de Ligny, né vers 1355, suivant Ferry de Locre (46), fut créé connétable de France
