PC 1449 page 19 et o. Guilliaume Chevallier notre juré a dit quil est vray que led. Barbier luy avoit baillé des vaches en garde, entre les- quelles il y a heu 2 ans ce chautemps passé quil survint une maladie incogneue a une de poil roge, tellement que lad. va- che bramoit jour et nuict que cestoit pitié de la veoir, puys mourut environ 8 jours apres, laquelle les precedens in- quis escorcnarent et, comme ilz luy rapportarent, ilz la trou- varent fort saine. (f. 23R) Depouse en oultre que quelque temps apres, il y a environ 20 mois, quil survint a une des siennes qui estoit aussy de poil rose une malladie quil nattendoit que dheure en heure quelle mourut, mais elle gucrit, laquelle mal- ladie advint a lad. vache apres que luy inquis heust levé à linstance du Sr. Chastellain les chevres de lad. Françoise. It aultre na dit. Bernard Proguet perrier dict que lad. Françoise allant a Gen- toz il y a environ ung an, elle hurta en la maison de la Per- riere et le pria de laccompagner, daultant quelle se donnoit peur et que la nuict presques estoit, ce quil fit et lalla accompagner jusques au dessoubz de Gentoz. Et environ 8 jours apres, elle estant aussy allee hurter en leur maison, elle les pria derechef de laccompagner, daultant quil estoit quasi nuict. Et luy inquis lalla accompagnee jusques a Vengeron, mais il ne fut plus oultre, daultant quil y avoit des gens dernier eux qui tiroient contre Versoex, et luy dit lad. Fran- çoise que despuys que ces gens qui venoient dernier elle tro- vent son chemin, elle nauroit pas peur et quil sen pouvoit retourner hardiment, ce quil fit. Int. quelles gens sestoient. A dit quil ne les cogneust pas. Et aultre na deposé. (f. 11V) (Répétition du 5.1.1568, devant Messicans.) … Int. si ce quelle a cy devant confessé est pas veritable. R ; : « Et quoy ? » et puys a dict de lheregerie : "Je ne fus ja- mais herege, et crie mercy a Dieu et a Messrs. des mensonges que jay dictes ! " Int. sil est pas vray que le diable luy est apparu comme elle a cy devant confessé. A dict que non et que si elle estoit telle, on luy eust trouvé quelque marque. Aussy que on deb- vroit trouver quelquun auquel elle eust baillé le mal. Luy a. esté remonstré que ses dernieres confessions se trouvent
