AEG PC 1449 page 26 221 R. que non. Apres a dict que ouy pour ce quelle navoit pas vou- lu que son mary luy aydat a vuagner, et toteffois elle ne mou- rut pas, ains seulement fust malade et plenoit la teste. Plus a dict quil y a environ 2 ans quelle jecta de la poulare sus a deux filles qui approchoient vers les Eaux Vives Zxz leur buee trop pres de la sienne, et (f. 16R) la bailla a in- tention quelles mourussent, toteffois elle scait bien pour les avoir veu naguieres que elles ne sont pas mortes. Int. si elle en a pas baille a la femme de maistre Joo. Le nye. Apres a dict quelle jecta la la graisse. Int. si elle luy en bailla pas. R. que non. Int. si elle luy vouloit pas mal. Le nye. Int. a qui aultre elle en a baille. R. a personne aultre. Int. en quoy elle a employe la graisse. R. quelle en donna a ung chien qui devint enragé, et ce fust tantost apres que le diable la luy eust baille, et ne scait a qui estoit ce chien, et lequel nest pas mort. Plus tantost apres en bailla a la vache de Guillaume Chevalier, layant mis sur lechine avec une bruchille de bois, et laquelle elle entend en mourut. Int. a qui daultre elle en bailla. R. a personne aultre et jecta la ceste mechante marchandise. Item en bailla a la Jaquenon de Mallagny qui sestoit combatue avec elle, et la luy bailloit pour la faire devenir malade, ce quelle fust ung peu de temps, et de ce y a environ ung an. Int. ou elle fust premierement a la synagogue. R. vers les Eaux Vives ung an apres quelle fust hegege, et le diable le luy vint signifier et y alla entre jour et nuit et y demoura quasi tote la nuit et sen revint le matin a portes ouvrantes ainsy que on venoit au marche. (f. 16V) Int. quest ce quelle y fit. R. que elle se reposa et les aultres saultoient. 1nt. lesquelz elle y vit. R. de femmes de Collogny quelle ne cognoissoit, et lune estoit vielle, laultre jeune, aussy luy
