cognoist la Françoise du Bouchet dicte la Chandelliere et en quelle estime et renommee elle est tenue. Dict quil y a environ 18 ans quil la cogneue et que pendant ce temps le commung bruict a esté quelle estoit nerege, de quoy se prenant luy inqui6# garde na aperceu aultre delle sinon quelle estoit une femme rioteuse, ayant noyse tant avecq son beaufilz, sa belle fillie et aultres ses voysins, ayant plusieurs fois le diable en la bouche, mesmes la veue que estant absent son mary elle estoit aulcune fois bien marquee par le visaige, ne sachant touteffois qui luy faisoit cela. Et aultre na dit.
… Pernette, femme dud. Levrat… a dit que despuys quelle a esté mariee et quelle a demeuré en ceste rue, elle a cogneu lad. Trançoise une femme noyseuse, ne cherchant que discord tant avecq son mary, son beaufilz que sa fillie que aussy ses voysins. Mesmes a ouy dire et tel est le bruict quelle est nerege. Joinct quelle inquise une fois ayant quelques parolles avecq lad. Françoise luy dit quelle estoit une mauvaise femme et quon disoit quelle estoit herege, et par ce ne laymoit poinct autore delle, de quoy lad. Françoise nen fit aultre poursuitte contre elle inquise sinon quelle luy dit quil luy en enprendroit comme a une aultre qui le luy avoit appellé, a qui il avoit beaucoup costé. (f. 19V) Depouse en oultre avoir veue lad. Françoise revenant de Gentoz par plusieurs fois marquee par le visage combien que son mary ne la battoit, daultant que lhors il nestoit avecq elle, ains dehors. Quoy voyant quelque fois lad. inqui se luy demandoit que cest quelle avoit par le visage. Alnors elle luy disoit quelle avoit mal aux dens. Aussy depouse avoir ouy dire a la femme de Mre. Jobus que une fois lad. Françoise leur ayant porté des resins secz et des poires, lesquelz led. Jobus ne volut recepvoir, elle en jetta sur les bras de la femme dud. Jabus, laquelle en ayant mangé en devint toute incontinant mallade et pensa elle inquise quelle en posa ung enfant. Et despuys se plaignant lad. femme dud. Jobus a lad. inquise de telle malla die, elle luy dict que despuys quelle avoit mangé de ses raisins et poires, lestomach luy avoit tousiours fait mal et creignoit que ce ne fut a cause de ses raisins et poires qui luy avoient estés donnés par lad. Françoise quelle soupsonnoit. Et aultre na dit.
