Pernette femme dud. Guilliaume Chevallier… a dit que des le temps quelle a cognoissance elle a cogneu lad. Françoise Chevallier dela quelle elle a ouy dire a Geneve quelle estoit le nom destre herege, mesmes que a lhospital dud. lieu elle estoit soupconnee destre telle. Qui plus est ouyst une fois dire a lad. Françoyse, laquelle luy parloit (f. 21V) de la Claudeta qui pour 1nors estoit detenue a Ceneve pour sorciere, et demanda a elle inquise si elle savoit poinct quon accusat par malveulliance quelle le luy dit car si ainsi estoit, lad. Claudeta laccuseroit, daultant quelle luy vouloit grand mal. Depouse aussy quelle cognoist Thivent du Bochet son mary, lequel elle tient et soupsonne destre herege a cause dune sienne petite fillie eagee de environ 2 ans quelle avoit heue de son premier mary, laquelle ayant esté laissee en garde a la chambriere, son moderne mary et elle estant alles au presche, icelle (sic) du Bochet entra en leur maison et print làd. fillie qui estoit entre les bras de lad. chambriere et lemporta en sa maison ou il luy donna a man er une crote de pain, et puys. laiant rapportee a lad. chambriere, comme elle luy donna puys apres dentendre, incontinant apres une malladie saisit lad. fillie et ne voulut despuys plus rien manger, mais mourut environ 7 jours apres, et pendant sa malladie ce qui luy sortoit par la bouche estoit aussy noir que resinee. Et voi ant lad. Françoise Chevallier que lad. inquise soupsonnoit led. Bouchet son mary a cause de la mort survenee de sad. fillie, elle une fois le dit a iad. inquise qui luy respondit quil estoit vray. Et aultre na dit.
Jehan de Resenex de Mallagny… a dit quil y a environ 15 ans quil a cogneu lad. Françoise, et na sceu ny entendu aultre delle, sinon que le bruict estoit quelle estoit herege, ce quil ne scait.
Jehan Revilliet habitant dud. Mallagny… a dit quil co- gnoist lad. Françoise, mais na sceu ny scait en quelle estime elle a esté et est tenue, pour ne lavoir frequentee. Et plus oultre na esté inquis.
(f. 22R) Roberta femme de Jaques Emeri officier de Gentoz… a dit quil y a environ 14 ans quelle a cogneu lad. Françoyse Chevallier et ne scait aultre chose delle sinon que une fois, ne se recorde du temps, touteffois dit que ce fut apres quon
