estranges, qui à Paris vienent acheter aucune marchandise, que la marchandise soit si loiaux qu’il n’en soient deceu par le vice de li, et pour ceus qui à Paris doivent aucune droiture ou aucune coustume, ou qui ne les doivent pas : et meesmement pour chastier ceus qui par covoitise de vilain gaaing ou par non sens les demandent et prendent contre Dieu, contre droit et contre raison. Quant ce fut fait , concoilli[1], asamblé et ordené, nous le feimes lire devant grant plenté des plus sages, des plus leauz et des plus anciens homes de Paris et de ceus qui plus dévoient savoir de ces choses, li quel tout ensamble loèrent moult ceste oevre, et nos quémandâmes à touz les mestiers de Paris, à touz les paagier et les coustumiers de cel meesme liu, et à touz ceus qui justice et juridicion ont dedens les murs et dedens la banliue de Paris que ils ne feisent ne n’alaisent encontre, et que se il le faisoient à leur tort, que il l’amendroient à la volenté le Roy, et rendroient à la partie touz les couz, touz les despens et touz les domages qu’il i auroient euz et faiz pour cele ochoison[2] par le leau taxement de nous et de nos successeurs[3].
- ↑ Recueilli.
- ↑ Occasion. On disait aussi achoison et aquoison.
- ↑ Après ce préambule , on lit dans le Ms. B un fragment de statut ainsi conçu : « 1. Des clercs de l’Université. Pour ce que notre Sire dist et coumande en l’Evangile, que on quière au coumencement le règne de Dieu, et toutes choses vous adreceront en bien, nous dirons au comencement d’icelle partie des Clercs, qui à Paris sont à escole pour cause d’aprendre à célébrer le devin office, c’est à savoir des clers qui sunt escolier. Quiconques veut estre escoliers à... » Le reste manque, et il y a dans le Ms. B deux pages et demie laissées en blanc. Mais ce fragment n’a aucun rapport avec des statuts et métiers, et l’énoncé du titre manque dans la table des matières du Ms, A, regardé comme l’original ; aussi le fragment n’a pas été reproduit dans le Ms. C.
