noviax talemeliers et tout li autre talemelier et li vallet entrer en la meson au mestre, et li mestre leur doit livrer feu et vin, et chascun des talemeliers, et li noviax, et il mestre vallet doivent chascun un denier au mestre des talemeliers pour le vin et pour le feu qu’il livre.
Li mestre des talemeliers doit faire à savoir au coustumier, aus talemeliers, aus joindres, que il viegnent à ce jour à sa meson, et il i doivent venir ou envoier leur denier au mestre des talemeliers pour le vin devant dit.
Se li talemelier et li joindre ne vienent à cel jour, se il en sont semons, ou il n’envoient leur denier au mestre des talemeliers, li mestre des talemeliers leur puet deffendre le mestier tant come il aient paie le denier devant dit.
Le jour que le mestre des talemeliers doit assigner au coustumier, aus talemeliers, au mestres vallès, doit estre le premier dimanche après le premier jour de l’an.
Quant cil quatre ans del noviau talemelier seront passé, et il ara en tel manière ouvré depuis cel jour en avant, il iert mestre talemeliers, ne ne paiera au Roy chascun an que x deniers au Noel de coustume, xxij deniers à Pasques, v deniers obole à la Saint-Jehan-Baptiste , et les vj sols de hauban à paier à la Saint-Martin d’iver, et les trois demies de pain à paier chascune semaine pour son tonliu ; c’est à savoir, demie le merquedi et danrée le samedi, et ces trois demies de pain li esvesques a la tierce semaine ; c’est à savoir que li Rois prant les deus semaines, et li evesques la tierce.
Se li noviaus talemelier pert son eschantillon[1] une fois ou
- ↑ On présume que échantillon signifie ici étalon, et qu’il s’agit du poids légal dont les boulangers devaient être munis.
