dance. Secondement ses compaignons fouaciers : que feurent negligez de corriger sa teste folle sus l’instant. Et finablement tous les conseillers, capitaines, officiers & domesticques de Picrochole : lesquelz le auroient incité, loué, ou conseillé de sortir ses limites pour ainsi no’inquieter.
Comment les victeurs Gargantuistes feurent recompensez après la bataille.
Chap. xlix.Este concion faicte par Gargantua, feurent livrez les seditieux par luy requys : exceptez Spadassin, Merdaille, & Menuail : lesquelz estoient fuyz six heures davant la bataille : & deux fouaciers, lesquelz perirent en la iournée. Aultre mal ne leurs feist Gargantua : si non qu’il les ordonna pour tirer les presses à son imprimerie : laquelle il l’avoit nouvellement institué. Puis ceulx qui là estoient mors il feist honorablement inhumer en la vallée des Noiretes, & au camp de Bruslevieille. Les navrés il feist panser & traicter en son grand Nosocome. Après advisa es dom-