Le texte de cette page a été corrigé et est conforme au fac-similé.
Dizain de Maistre Hugues
Salel à l’auteur de
ce Liure.
Si pour mesler profit avec doulceur
On mect en pris vn aucteur grandement,
Prisé seras, de cela tien toy sceur :
Ie le congnois, car ton entendement
En ce livret, soubz plaisant fondement,
L’vtilité a si tresbien descripte,
Qu’il m’est aduis que voy vn Democrite
Riant les faictz de nostre vie humaine.
Or persevere, et, si n’en as merite
En ces bas lieux : l’auras au hault dommaine.
