cours. Le Diable me emport si ie y voys. Vertus Dieu, la chambre est desia pleine de Diables. Ie les oy desia soy pelaudans & entrebattans en Diable, à qui humera l’ame Raminagrobidicque, & qui premier de broc en bouc la portera à messer Lucifer. Houstez vous de là. Ie ne y voys pas. Le Diable me emport si ie y voys. Qui sçait s’ilz vseroient de qui pro quo, & en lieu de Raminagrobis grupperoient le paouure Panurge quitte ? Ilz y ont maintes foys failly estant safrané & endebté. Houstez vous de là. Ie ne y voys pas. Ie meurs, par Dieu, de male raige de paour. Soy trouuer entre Diables affamez ? entre Diables de faction ? entre Diables negocians ? Houstez vous de là. Ie guage que par mesmes doubte à son enterrement n’assistera Iacobin, Cordelier, Carme, Capussin, Theatin, ne Minime. Et eulx saiges. Aussi bien ne leurs a il rien ordonné par testament. Le Diable me emport si ie y voys. S’il est damné, à son dam. Pour quoy mesdisoit il des bons peres de religion ? Pour quoy les auoit il chassé hors sa chambre, sus l’heure que il auoit plus de besoing de leur ayde, de leurs deuotes prieres, de leurs sainctes admonitions ? Pour quoy par testament ne leurs ordonnoit il au moins quelques bribes, quelque bouffaige, quelque carreleure de ventre, aux paouufres gens qui n’ont que leur vie en ce monde ? Y aille qui vouldra aller. Le Diable me emport si ie y voys. Si ie y allois, le Diable me emporteroit. Cancre. Houstez vous de là.
Frere Ian, veulx tu que præsentement mille charretées de Diables t’emportent[1] ? Fays trois choses. Baille moy ta bourse[2]. Car la croix est contraire au charme. Et te aduiendroit ce que nagueres aduint à Ian Dodin[3] recepueur du Couldray au gué de Vede, quand les gens d’armes rompirent les planches. Le
- ↑ Ces imprécations assez fréquentes chez
Rabelais ( « ie me donne à cent mille panerees de beaulx
diables, » t. i, p. 218, etc.) ne sont point de son invention et s’employaient habituellement de son temps :
Or, va, que mille charretées
De dyables te puissent emporter.(Farce d’vng mary ialoux, Anc. Théât. Franc, i, p. 144)« Ce que nous voyons que les prescheurs que i’ay alleguez ci-dessus disent quelques fois, Ad omnes diabolos, ad triginta mille diabolos, c’est vu certain Latin dont le patron a esté pris sur nostre François lequel bien souuent pour exagerer conte les diables par tant de mille chartées : disant, ie le donne à trente mille chartées de diables, ou quarante, &c. » (Henri Estienne, Apologie pour Hérodote, ch. xiv, t. i, p. 197)
- ↑ Il la demande en apparence pour se préserver des diables au moyen des croix que portaient les pièces de monnaie.
- ↑ La Monnoye
a rapporté dans le Ménagiana. (t. i, p. 368)
l’original de ce conte :
De quodam Minoritano & alio.
Franciscanus in alteram profundi
Ripam fluminis excipit ferendum
Quempiam nitidum comatulumque
(Parco huic Domine, rem minus silebo
Dignam publica quæ lit, atque fiat),
Impostumque humeris rogavit ipse,
Cum ventum ad medium prope esset amnem
Franciscanus, an is pecuniarum
Quicquam forsan haberet ? Ille habere
Se dixit, quibus hunc juvaret, amplas,
Affatim quoque asymbolum cibaret.
Promissis nihil excitus vadator :
Nescis ordinis, inquit, esse nostri
Nos deferre pecunias vetari ?
Defertor minime hujus ipse fiam.
Excussum simul hunc in amne liquit
Novi utrumque, & id audii ex utroque.(Nic. Bartholomæi Lochiensis Epigrammata & Eidyllia, Parisiis, Cyaneus, 1532, 8°, liv. ii, ft 22, vo.)Ce Nicolas Barthélémy, né à Loches, est mort prieur de Notre-Dame de Bonne-Nouvelle d’Orléans. On voit qu’il connaissait les deux personnages, mais il juge à propos de ne les point nommer. Il est curieux de voir Rabelais compléter ce récit ; et ceci semble un indice de plus que tout ce qu’il nous conte sur les habitants du Chinonnais et des environs n’est pas, comme on l’a trop cru, purement imaginaire.
