ar Grace & Priuilege du Roy, donné à Paris le
cinquiéme jour de Decembre 1668. Signé, Par le Roy en ſon Conſeil, COVPEAV, Et ſcellé en cire
jaune : Il eſt permis à Claude Barbin Marchand
Libraire à Paris, d’imprimer, ou faire imprimer, vendre & debiter, une Comedie intitulée Les Plaideurs,
durant le temps de cinq années, à commencer du jour
qu’elle ſera acheuée d’imprimer la premiere fois : Et defenſes ſont faites à tous autres Libraires ou Imprimeurs, & autres perſonnes de quelque qualité & condition qu’elles ſoient, d’imprimer, ou faire imprimer,
vendre & debiter ladite Comedie, ſans le conſentement de l’Expoſant, ou de ceux qui auront droict de
luy, à peine aux contreuenans de trois mille liures d’amende, confiſcation des Exemplaires contrefaits, & de tous deſpens, dommages & intereſts, ainſi que
plus au long il eſt porté par ledit Priuilege.
Regiſtré ſur le Livre de la Communauté des Libraires & Imprimeurs, ſuiuant l’Arreſt de la Cour de Parlement. Signé, A. SOVBRON, Syndic.
Ledit Barbin a aſſocié audit Priuilege Gabriel Quinet, auſſi Marchand Libraire, pour en joüir enſemblement, ſuiuant l’accord fait entr’eux.
