Page:Raoul - Trois satiriques latins, vol 1 Juvénal, 1842.djvu/132

Optima sed quare Cesennia, teste marito ?
Bis quingenta dedit ; tanti vocat ille pudicam :
Nec pharetris Veneris macer est, aut lampade fervet ;
Inde faces ardent, veniunt a dote sagittae
Libertas emitur : coram licet innuat atque
Rescribat ; vidua est, locuples quae nupsit avaro.
Cur desiderio Bibulae Sertorius ardet ?
Si verum excutias, facies, non uxor, amatur.
Tres rugae subeant, et se cutis arida laxet,
Fiant obscuri dentes, oculique minores :
Collige sarcinulas, dicet libertus, et exi ; ¹⁸
Jam gravis es nobis. Ut saepe emungeris ! exi
Ocius, et propera ; sicco venit altera naso.
Interca calet et regnat, poscitque maritum
Pastores et ovem Canusinam, ulmosque Falernas.
Quantulum in hoc ! pueros omnes, ergastula tota ;
Quodque domi non est et habet vicinus, ematur.
Mense quidem brumae, quo jam mercator Iason
Clausus, et armatis obstat casa caudida nautis,