Transcription fidèle de la pièce qui se trouve insérée dans le volume 763 de la collection des manuscrits de Dupiiy, à la Bibliothèque Impériale. Ce volume est intitulé : Bulles des Papes, depuis Honoré III jusques à Grégoire XI.
Clemens episcopus, servus servorum dei, carissimo in Christo filio Philippo regi Francorum illustri, salutem et apostolicam benedictionem. Quoniam præcordia tua personæ nostræ incolumitas grata certificat, scire te volumus quod, illo faciente qui potest, Viennæ plena corporis sospitate vigemus ac lætanter audivimus incolumitate consimili te vigere. Ad hæc, ut eorum quæ in negotio templariorum emergunt tuæ noticiæ veritatis [1][1], magnitudinem regiam volumus non latere quod cum inquisitiones factæ contra ordinem templariorum coram prælatis et aliis personis ecclesiasticis, qui ad præsens sacrum concilium venerunt, et quos ad hoc congregari, certa die, nostra deliberatio fecerat, legerentur, septem de ordine templariorum ipsorum et in quadam alia subsequenti congregatione consimili, duo de ordine ipso, se coram eisdem prælatis et personis, nobis tamen absentibus, præsentarunt qui se deffensionem eiusdem ordinis offerentes, asseruerunt mille quingentos vel duo millia fratres eiusdem ordinis qui Lugduni et in circumvicinis partibus mo-
- ↑ (1) Pour veritas.
