Cette page n’a pas encore été corrigée
ire de Dieu n'est pas un trouble d'esprit en luy, mais un sincere jugement, par lequel punition est decernée contre le peché. Son arrest de toutes choses est aussi ferme que sa prescience est certaine : Sa volonté ne se change point, c'est nous qui nous changeons : Dieu semble estre changé aucunement, quand on void sa douceur convertie en indignation, puis sa severe Justice en grace & misericorde. Mais, helas! nos pechez attirent d'ordinaire les justes jugemens dessus nous, & quand nous y pensons le moins, c'est alors que les Arrests divins sont executez.
