Cette page a été validée par deux contributeurs.
Primus.
Les ellemens sont de infection plains,
Et ont regné quelquez faulcez planettez.
Je ne croy point que Lombars ou Rommains
N’y ayent jetté quelques choses infettez.
Secundus.
Comment, diable ? Se sont quasi profettez
Parmy Paris, puis ung an, et en court[2].
Primus.
Leur seront pas ung jour leurs barbes faitez
Et les cheveux abregés sur le tourt ?
Le Prince.
Se Justice ce bien ne vous resourt,
Toult est perdu.
Primus.
Et implique que le monde fut gourt,
Se Justice n’est en son signagogue.
L’Astrologue.
Hau ! qu’est ? Hau ! qu’est ?
Le Prince.
A son parler je l’ay bien recongneu.
Faitez voye, qu’il entre, au pedagogue.
L’Astrologue.
Honneurs, sires !