Cette page a été validée par deux contributeurs.
Le Prince.
Ceras tu point une fois forbani
De ce climat par ta faulte vileine,
Et que le monde fust en pais et uny,
Sans tant d’esteurs ?
L’Astraloge.
Tel a esté bailly et capitaine
Qui maintenant se voyt desapointé
Par Gemini[2].
Primus.
Tousjours y a de la duplicité.
Secundus.
Dieu se joue des grans.
L’Astraloge.
Faire le peut : justice est a sa dextre.
Quant il a tout bien veu et escouté,
Pugnir il peut come seul juge et maistre,
Et ne soit on auchun remede mettre
A son grant coupt. Il n’esparne personne.
Secundus.
Autant luy est le lay comme le prebstre,
Quant ungne foys a plaisir s’y adonne.
L’Astrologe.
Dieu ne a regart n’a chapeau ne a couronne.
Quant il luy plaist donner mortel assault,