Cette page a été validée par deux contributeurs.
L’Astraloge.
Se Virgo eust esté
Regnant adonc, selon mon jugement,
Toult ne fust pas ja ainsi tempesté.
Venus regnoit, qui hait virginité
Et ne meust gens que a delis et luxure ;
Par quoy je croy, selon la verité
Et le raport de la comunité,
Que admener peult ceste horrible avanture.
Primus.
Dieu veult jeu.
Secundus.
Ce n’est que droiture :
Dieu peult autant qu’il fist jamais.
Le Prince.
Voire, mais en telle laidure
Tel le seuffre qui n’en peult mais.
Qu’en dictes vous, maistre ?
L’Astraloge.
Je mez
Grans differences d’en parler,
Car je trouve, je vous proumès.
Grandes influences en l’air.
Primus.
Sy ne devés vous point celer
Vérité.
Secundus.
Selon vos pratiques,
Bien poués dire et reveler
