Cette page a été validée par deux contributeurs.
Pour avoir une rouge chappe
A ung tresorier de finance
Y faloit aller voir le pape[1] !
L’Astrologue.
Il est bien eureulx qui eschape
De ces mouvemens geminaux,
Car, quant l’ung contre l’autre frape,
Mars nous donne divers assaulx.
Le Prince.
Dieu gart le roy et ces vassaulx,
Qui bien ayme le sang rouyal,
De aversité et de tous maux,
Et de mouvement geminal[3] !
Primus.
Or revenon au principal.
Que court il ?
L’Astrologue.
Eclipse de lune.
Chascun.
Tousjours deffaute de pecune,
Se ce n’est en major burssa ;
Car, quant de la bourse commune,
Il n’y a plus rien, grant piessa.
Secundus.
Or sa, de par le deable, sa !
In manu sancti sanctorum.
Je crois que jamais ne seron
Nectement hor de ceste ordure.
- ↑ Ce trait est à l’adresse de Guillaume Briçonnet, surintendant des finances, qui, après la mort de sa femme, devint évêque de Saint-Malo et de Nîmes, puis archevêque de Reims. Guillaume avait obtenu le chapeau de cardinal en 1495.
- ↑ nous est suppléé
- ↑ C’est à-dire : « Que Dieu, qui aime le roi, le garde des conseils des frères d’Amboise ! »
- ↑ Tousjours est suppléé