Cette page a été validée par deux contributeurs.
L’Astrologue.
Nous sommes hors de ce meschef ;
Le temps est bien changé depuis.
Chascun.
Par Dieu ! se je n’ay ung relief
De ma douleur, perdu je suis ;
J’é tant souffert que plus ne puis.
A ! mais a cest advenement
De regne, qui m’eust ouvert l’uys
Pour avoir quelque amendement !
L’Astrologue.
Il t’amendera.
Chascun.
Je n’en voy quelque apperssevance.
Le Prince.
Tays toy. Pour ton alligement
On tiendra les estas en France[1].
L’Astrologue.
Sa, je veuil voir la doulleance
De Chascun. Baille moy ton pouce
Ung peu.
Chascun.
Pour me mennier doulcement ?
On m’a traisté si rudement
Le temps passé que c’est horreur.