re, c’eſt pluſtoſt temerité que douceur.
L’Angleterre tient (comme l’on dict) le loup
par les oreilles, ils ne le peuuẽt tenir long temps,
& encores moins le laſcher, que en l’vne & l’autre
ſorte il ne leur face beaucoup de mal. Le peril
y eſt tout euident, & ia eſſayé : vouloir encores
choquer au meſme eſcueuil où l’on vient de
faire naufrage, ce ſeroit à tort, comme dit le prouerbe,
qu’on accuſeroit Neptune.
Cela eſt bien certain, que tant que la royne
d’Eſcoſſe y ſera, elle ne ceſſera de troubler ceſt
eſtat, par conſpirations inteſtines : Et ſi elle en eſt
vne fois hors (comme Charles de Valois s’eſſaye
iournellement de l’en tirer) par guerre externe.
Il n’y a rien de ſi pernicieux à vn Royaume que
d’y auoir vn ſucceſſeur, ayant des qualitez ſi pernicieuſes
à vn eſtat, que la royne d’Eſcoſſe. Car
en premier lieu, C’eſt vn ſucceſſeur ennemy, elle
l’auoit aſſez monſtré par les guerres paſſees.
Mais en la conſpiration derniere elle a
deſcouuert la plus capitale haine qui ſe peut mõſtrer.
L’ambition & cupidité de ceſte Couronne, ne
luy permet point d’attendre le temps de la ſucceſsion.
Elle a autrefois vſurpé le titre & les armes.
A preſent par ceſte conſpiration, elle a monſtré
d’en vouloir auoir la poſſeſsion & la commodité.
Dauantage, elle eſt eſtrangere de nation, tellement
que l’affection naturelle, comme ſeroit
Page:Reveille-matin des François, 1574.djvu/221
Le texte de cette page a été corrigé et est conforme au fac-similé.
15
D I A L O G V EI I.
