roit vſurper ſur le ſceptre d’autruy, &c. Tout cela à lieu (afin que ie me taiſe de ſa deſmiſsion) quand elle ſeroit en Eſcoſſ e, ou qu’il ſeroit queſt ion de ce quelle a faict en ſon Royaume : Car alors la royne d’Angleterre n’y a que voir, & ne la pourroit iuſt emẽt recercher en aucune façõ, ſous quelque pretexte que ce fuſt (ſi ce n’eſt pour l’opprefsiõ & tyrãnie qu’elle feroit à l’Egliſe de Dieu & au royaume de Iefus Chriſt , lequel eſt ãt eſpandu au long & au large par toute la terre, n’eſt enclos dans aucunes limites. La deffenſe duquel eſt egalement & indifferemment recõmandee à tous Princes de la terre : Pour cecy dy-ie le Prince qui a eſgard à ſon deuoir, peut recercher, chaſt ier & combatre ſon cõpagnon qui fait la guerre à Dieu. Conſt antin ſert de bon exemple qui rengea par armes Licinius à laiſſ er en paix les Chreſt iẽs qu’il perſecutoit en ſes terres. Mais de ce que la royne d’Eſcoſſ e a fait eſt ãt en Angleterre, qui peut dõter qu’elle n’en puiſſ e eſt re iugee par la royne d’Angleterre ? La ſouueraineté des Rois a lieu en leurs Royaumes : mais depuis qu’ils ſont au royaume d’autruy, leur ſouueraineté n’a poĩt de lieu. Car en la terre d’vn ſouuerain, il n’y a perſonne qui ne luy ſoit inferieur, meſmes en ce qui concerne l’eſt at & la ſeureté de la Republique. L’on voit cõme les Rois en ont touſiours vfé quelque autre Roy qui viene en leur terre, ſoit-il tant amy & parent qu’il voudra, quelle gratification qu’on luy vueille faire, iamais on ne permet qu’il commande ſouuerainement : ſi n’eſt auec autant de puiſſ ãce que par courtoiſie on luy ottroye. C’eſt vne
Page:Reveille-matin des François, 1574.djvu/235
Le texte de cette page a été corrigé et est conforme au fac-similé.
29
D I A L O G V EI I.
![](http://upload.wikimedia.org/wikipedia/commons/thumb/1/13/Reveille-matin_des_Fran%C3%A7ois%2C_1574.djvu/page235-1024px-Reveille-matin_des_Fran%C3%A7ois%2C_1574.djvu.jpg)