ſible de conſpirer par prodition cõtre les Rois : &
les Rois ne pourroyẽt deffẽdre leurs vies & leurs
eſt ats par la iuſt ice. Et tant plus doit il eſt re loiſible
à vn Roy de maintenir ſon eſt at par vne iuſt e
punition ſur vn autre Roy ou Monarque, que ſur
vn autre qui ne ſeroit ſouuerain : d’autant qu’encores
pourroit on deſirer que le Roy offenſé en
requiſt iuſt ice au ſuperieur du coulpable, pour n’eſt re
iuge ẽ ſa cauſe propre. Mais où il n’y a aucũ iuge
par deſſ us le coulpable : ou il faut que les Rois
facent eux meſmes la iuſt ice, ou biẽ qu’ils ſoyent
en pire condition, que les plus infimes. Car à faute
de iuge ils n’auroyẽt aucune reparatiõ des torts
qui leur ſeroyent faits. Et toutefois la où il n’y a
point moyen d’auoir iuge, les loix permettẽt aux
ſuiets meſmes de ſe faire iuſt ice de leur main.
Au reſt e ie te confeſſ e, que (comme tu as dict )
les ambaſſ adeurs ſont inuiolables, mais c’eſt tant
qu’ils ſe contienẽt aux termes d’ãbaſſ adeurs : Mais
quãd ils ſortent hors des bornes de leur eſt at, ils
ne doyuẽt plus eſt re tenus pour tels. Les Romaĩs
ont attribué la prinſe de Rome par les Frãçois au
crime, qui auoit eſt é cõmis par Q. Fabius leur ambaſſ adeur
enuoyé aux Frãçois, où il tua hoſt ilemẽt
vn Frãçois, & apres s’en alla à Rome. Les Frãçois
demãderent aux Romains, qu’ils le leur baillaſſ ent,
pour auoir le ſupplice que merite vn ambaſſ adeur
qui fait act es d’hoſt ilité.
Les Fecialiens eſt oyent d’auis qu’il le leur failloit
liurer : autrement que les dieux en ſeroyent
fort courroucez & deſplaiſans. Le peuple Romain
au contraire ſauua ledict ambaſſ adeur :
Page:Reveille-matin des François, 1574.djvu/237
Apparence
Le texte de cette page a été corrigé et est conforme au fac-similé.
31
D I A L O G V EI I.