l’ennemy en Normandie : d’autres tindrẽt la mer
& l’eſcumerẽt. Le Comte s’en alla rendre en Angleterre,
auec vn biẽ peu de vaiſſeaux, ſur leſquels
eſtoyent deux de ſes gendres, ſon aiſné fils, le capitaine
Poyet, Caſaux, Maiſon-fleur, la Meauſſe,
des Champs, le capitaine Sore, & certains autres
capitaines, gentils-hommes & ſoldats.
La Royne, & les ſeigneurs de ſon Conſeil, qui
s’eſtoyent promis de l’expedition du comte de
Montgomery, vn ſecours de la Rochelle, & poſsible
quelque choſe de plus, commencerent à ſon
retour d’en rabbatre iuſques là, que au lieu qu’auparauant
ils l’auoyent chery, & honoré comme
vn demy dieu des batailles, en pleine cour à deſcouuert
& preſque tout ioignant la barbe de l’ambaſſadeur
du Tyran, à peine le vouloyent-ils lors
voir en ſecret & à cachette.
Le pol. Quelques vns accuſent les femmes, de chãger
fouuent leur maintien, & ſous couleur qu’elles
ſont legeres, taxent leur ſexe à tous propos,
d’vne inconſtance inſupportable : mais quãd tout
vn Confeil s’en meſle, c’eſt les iuſtifier de tout
point.
Les Romains eſtoyent bien d’autre auis au retour
de leurs Capitaines : ne les fauoriſans rien
moins à la perte, qu’à la victoire : comme Varro
nous eſt teſmoin, ayant perdu la grãd bataille qui
donnoit Rome à Annibal (s’il euſt ſceu vaincre,
comme on dit.) Retournant ainſi tout batu dedans
Rome bien deſolee, on ne laiſſa pas de luy
faire comme vn petit triõphe à demy : il leur ſembloit
bien que c’eſtoit aſſez de regret & de faſche-
