quelles naiſſent le plus ſouuent des guerres ciuiles,
ruine des peuples & eſtats. Mais quand la choſe
eſt temperee, de ſorte qu’on ne reiecte pas temerairement
la famille ſous laquelle le peuple a
accouſtumé d’eſtre conduit : ains enquiert-on diligemment,
ſi c’eſt pour le bien du peuple de l’eſlire
ou reietter : c’eſt s’y conduire ſagemẽt de tout
point Telle eſtoit ancienement la façon d’eſleuer
les Rois. Ainſi a eſté pratiqué en l’Empire
de Dauid (duquel toutefois Dieu eſtoit l’autheur
& en la famiile duquel il vouloit conſeruer le ſceptre)
où les aiſnez n’ont pas eſté eſtablis indifferemment
Rois. Roboam apres la mort de Salomon
fut appellé par droit de ſucceſsion au Royaume :
mais ce fut par l’auis des douze lignees, qui
pour c’eſt effet s’aſſemblerent.
Ces choſes ainſi premiſes, ie vien à la queſtion
propoſee. S’il eſt loiſible aux ſuiets de reſiſter au
magiſtrat, & iuſques où telle licence s’eſtend.
Mais deuant toute œuure, il faut entendre, que les
ſuiets ne ſont pas tous d’vne meſme condition.
Car les vns ſont ſimplement ſuiets priuez : les autres
ne ſont dits ſuiets qu’à raiſon du magiſtrat
ſouuerain : tels ſont les magiſtrats inferieurs.
Mais à ſcauoir mon ſi le Souuerain magiſtrat
ou Roy eſt tellement ſouuerain, qu’il n’ait nul
fors que Dieu eſtably deſſus luy. Il ſemble bien
qu’on pourroit dire que apres Dieu le Roy eſt le
premier : ie l’accorde, mais non pas abſolument.
Car, comme i’ay defia dit, les gens n’ont iamais
eſté ſi ſots & mal auiſez de donner à aucun tant
de ſouueraine puiſſance, qu’ils ne ſe ſoyent tou-
