uent : de ce qu’il les repouſſ oyent trop rudemẽt de leurs murailles, ſouſt enãs mieux qu’ils ne vouloyent & plus longuement leurs aſſ auts. Nous ſceuſmes que le ſeigneur de la Noue qui par grãd merueille & admirable prouidẽce de Dieu auoit eſchappé les fillets des traiſt res, ſe trouuant lors du maſſ acre de Paris dãs Mons en Haynaut qu’il auoit aidé à ſurprendre par commandement du tyran, duquel ils attendoyẽt ſecours ſuyuãt ſa promeſſ e donnee : nous ſceuſmes, dis-ie, qu’il eſt oit reuenu en France & à la cour, apres la reddition de Mons, ſous l’aſſ eurance du duc de Longue-ville & le ſaufconduit du tyran : nous ſceuſmes qu’il eſt oit entré dés le commencemẽt des approches dans la Rochelle accompagné de l’abbé Gadagne auec charge expreſſ e, que le tyran luy auoit donné de diuertir s’il eſt oit poſsible les Rochellois de leur conſt ance & opiniaſt reté, qu’ils appellent de ſe deffendre, & de leur promettre bon traitement, s’ils ſe vouloyent laiſſ er tuer auec liberté de conſcience. A ceſt e nouuelle pluſieurs d’entre nous furent extremement marris de ce que ce gẽtilhomme auoit accepté telle cõmiſsion. Les autres eſt oyent faſchez ſimplement, de ce que au ſortir de Mõs il n’eſt oit allé en Angleterre, en Allemagne ou en Suiſſ e, pour ſeruir à ce qu’il euſt peu pluſt oſt que reuenir en Frãce. D’autres excuſoyẽt ſon retour, à l’occaſiõ de ſes enfans qu’õ luy detenoit deſſ ous garde, qu’il deuoit taſcher de les rauoir : & qu’il n’auoit de moins peu faire que d’accepter cõtre ſon gré vne charge tant deshoneſt e : quelques autres eſt oyent bien aiſes, qu’õ luy euſt
dõné telle commiſsion.