ny par flatteries. A raiſon dequoy nous pouuons dire que la Iuſtice eſt vne habitude ſuiuant laquelle l’Homme iuſte diſtribuë le bien & le mal entre ſoy-meſme & les autres, ſelon les qualitez ou les proportions Geometriques.
L’on peut rapporter à cecy que pour figurer la Iuſtice & l’integrité de l’ame, les Anciens auoient pour Symboles vne Eſguiere, vn Baſſin, & vne Colomne, comme il ſe verifie par pluſieurs tombeaux de marbre, & par diuerſes antiquitez, d’où vient que l’ingenieux Alciat dit dans ſes Embleſmes,
Qu’il faut que le bon Iuge ait l’ame & les mains pures,
S’il veut punir le crime & vanger les injures.
Tout ce que ie viens de dire parlant generalement de la Iuſtice, eſt icy repreſenté par ſa premiere Figure, qui eſt celle d’vne belle Vierge couronnée, couuerte d’vne robe d’or, & qui porte à ſon col vn riche Ioyau, pour nous enſeigner que cette vertu eſt ineſtimable, & la plus precieuſe de toutes les choſes du monde.
Ivstice inviolable.
Elle a pour Embleſme vne Dame majeſtueuſe, qui porte ſur la teſte vne Couronne Royale, vne Balance d’ve main, & vne Eſpée de l’autre ; joint qu’à ſes coſtez vn Chien & vn Serpent ſe font remarquer.
Sa Couronne ſignifie qu’elle eſt la Reine des Vertus.
Son Eſpée nuë & droite, qu’il faut qu’elle ſoit touſiours preſte à punir les vices.
Sa Balance, qu’il eſt de ſon deuoir de pezer les bonnes & mauuaiſes actions.
Le Chien qui la ſuit, qu’elle ſe doit porter fidellement à aimer la Vertu. Et le Serpent, qu’elle eſt obligée de haïr le vice, comme vn venin contagieux et mortel.
Ivstice rigovrevse.
Elle ne ſçauroit eſtre mieux peinte qu’elle eſt icy ſous la forme d’vn Squelet couronné, couuert d’vn drap blanc, & qui de la main droite s’appuye ſur vne Eſpée, & de la gauche tient vne Balance.
