Ne touche ton nez a main nue
Dont ta vïande est tenue.[1]
Ne torche de nappe tes dens[2]
Et si ne la més point dedens.
Ne offre a nully, se tu es saige,[3]
Le demourant de ton potaige.
Tiens devant toy le tablier net ;[4]
En ung vaissel ton relief met.[5]
Tiens toy nettement et regarde[6]
Comment a toy chacun prent garde.
Ne mouche hault ton nez a table,
Car c’est ung fait peu aggreable.
Ne frotte tes mains ne tes bras,
L’un a l’autre, ne a tes draps.[7]
Oultre la table ne crache point ;[8]
Je te diz que c’est ung lait point.
Ne furge tes dens de la pointe
De ton coustel, je le t’apointe.[9]
Se on met lettres en ta main,[10]
Mès les tantost dedens ton sein.[11]
Garde toy bien de conseiller[12]
[13]
A table, ne de sommeiller.[14]
Se tu es servy de froumage,
Si en prens pou, non a oultraige.[15]
Et se tue es servy de nois,[16]
N’en mengeüe que deux ou troys.[17]
S’on sert de fruit devant lever,[18]
N’en mengeue point sans le laver.
Quant ta bouche tu laveras,[19]
Ou bacin point ne cracheras.[20]
Quant tu rendras grace a Dieu,
Sy te tiens en ton propre lieu.
N’oublie pas les trespassez
Qui de ce monde sont passez.[21]
A ton hoste dois mercy rendre,
De t’en aler dois congié prendre.
Se on te fait après graces,[22]
Soit en hanap, ou verre, ou tasses,[23]
Laisse premier boire ton hoste
Et boy après quant on lui oste.[24]
Après peulx dire a haulte voix :[25][26]
A Dieu vous commans, je m’en vois.
Qui a ces ditz bien pensera,[27]
A table plus saige en sera.[28]
De seoir a table n’est digne[29]
Qui d’aucun bien ne porte signe.[30][31]
- ↑ — 49-50 manquent C D
- ↑ — 51 De la nappe n’essuye (ne tort D) tes C D
- ↑ — 53 nul A
- ↑ — 55 le] ton C D ; taillouer C, doublie D
- ↑ — 56 r.] doublie D
- ↑ — 57-60 manquent C D
- ↑ — 62 Tien t’en le plus que tu pourras C ; tes] autres D
- ↑ — 63 Puis at, ne craches C, escuppe D
- ↑ — 66 De costel je t’en acointe C ; je la t’acointe D
- ↑ — 67 te met D
- ↑ — 68 les en ta manche ou sain C ; Si les met D
- ↑ — 69-70 et 71-2 intervertis A
- ↑ — 69 c.] sommeiller C
- ↑ — 70 s.| conseiller C
- ↑ — 72 n’en fay o. B, ne faire o. C
- ↑ — 73 Et manque D
- ↑ — 74 Si en (n’en D) menjue d. C D
- ↑ — 75-6 manquent D
- ↑ — 77 Etq. tes mains tu C D ; laverais D
- ↑ — 78 craicherais D
- ↑ — 82 Souveigne t’en tousiours assez C
- ↑ — 85 Et son D'’ ; t. f. b.] donne C D
- ↑ — 86 ou v.] voire D
- ↑ — 88 b.] toy C
- ↑ — 89-90 manquent C
- ↑ — 89 De lour puis D
- ↑ — 91 Q. c. choses apparcevroit C ; panserait D
- ↑ — 92 seroit C, serait D
- ↑ — 93 ce s. C
- ↑ — 94 a.] aultruy D
- ↑ — Explicit la contenance de la tauble seulement D