Le texte de cette page a été corrigé et est conforme au fac-similé.
144
II. LIVRE
Achete des abricôs,
Des pompons, des artichôs,
Des fraiſes, & de la crême :
C’eſt en Eſté ce que i’aime,
Quand ſur le bord d’vn ruiſſeau
Ie la mange au bruit de l’eau,
Eſtendu ſur le rivage
Ou dans vn Antre ſauvage.
Ores que ie ſuis diſpos
Ie veux rire ſans repos,
De peur que la maladie
Vn de ces iours ne me die,
Ie t’ay maintenant veincu :
Meurs galland, c’eſt trop veſcu.
ODE XIX.
V malheur de receuoir
Vn eſtranger ſans auoir
De luy quelque cognoiſſance,
Tu as fait experiance
Menelas, ayant receu
Pâris dont tu fus deceu :
Et moy ie la viens de faire,
Qui ore ay voulu retraire
Sottement vn eſtranger
Dans ma chambr & le loger.
Il eſtait minuict & l’Ourſe
De ſon char tournoit la courſe
Entre les mains du Bouuier,
Quand le ſomme vint lier
