Le texte de cette page a été corrigé et est conforme au fac-similé.
141
DES ODES.
Et trepignant au milieu,
Ce fol Dieu
Forcenoit apres ſa feſte.
Mais toy Prince mieux inſtruit,
En qui luit
Des vertus l'antique reſte,
Chreſtien, leur feras ſçauoir
Le deuoir
D'vne autre loy plus celeſte.
Briſant les Idoles feins
De tes mains,
De leurs Dieux tu ſeras maiſtre,
Et ruant leurs temples bas,
Tu feras
La Loy de Iesvs renaiſtre.
Puis eſtant de tout coſté
Redouté
Pour ta fortune proſpere,
Iras au bout du Leuant
Eſleuant
Cent Coloſſes à ton pere.
H vj
