Le texte de cette page a été corrigé et est conforme au fac-similé.
190
III. LIVRE
Qui de ſa trenchante eſpée
Sa vie aux ombres ieta,
Et par ſoy-meſme frapée,
Ayant la honte trompée,
Vn beau renom s'acheta.
A LA ROYNE DE
Nauarre.
ODE VII.
Allas eſt ſouuent d'Homere
Dite fille d'vn bon pere,
Et vous la Pallas d'ici
Par moy ſerez dite ainſi.
Homere ainſi l'a nommée,
Pour eſtre fille eſtimée
Du Dieu que les ſiecles vieux
Nommerent pere des Dieux:
Et moy ie vous nomme telle,
Fille d'vn Roy qu'on appelle
Ici bas en tous endrois
Le bon pere des François.
Pallas & vous, ce me ſemble,
Auez vos meſtiers enſemble.
Elle touſiours s'amuſoit
Aux vers qu'elle compoſoit:
Souuent voſtre eſprit s'amuſe
Aux ſaints labeurs de la Muſe,
