Le texte de cette page a été corrigé et est conforme au fac-similé.
41
DES ODES.
Comme le fils qu’vn pere a
De ſa femme en ſa vieilleſſe,
Ce vers Thebain te plaira,
Bien que tard ie te le laiſſe.
» L’homme veuf n’a tant d’ennuy
» De quitter ſon heritage
» Aux eſtrangers qui de luy
» Auront le bien en partage,
» Comme l’homme qui deuale
» Dedans la barque infernale
» De mes Hynnes deueſtu.
» En vain lon trauaille au Monde,
» Si la lyrique faconde
» Fait muette la vertu.
Epode.
Mais la mienne emmiellée
Qui ſçait les loix de mon doy,
Auec les fluſtes meſtée
Chaſſera l’oubly de toy.
Les neuf diuines Pucelles
Gardent la gloire chez elles,
Et mon luth qu’ell’ ont fait eſtre
De leurs ſecrets le grand Preſtre,
Par ceſt Hynne ſolonnel
Reſpandra deſur ta race
Ie ne ſçay quoy de ſa grace
Qui te doit faire eternel.
