amis, la vertu et integrité duquel est assez cogneuë entre ceux qui font profession de la musique et des bonnes lettres. Or à l’exemple de Tibulle, lequel aimoit Nemesis et Delie, il dit estre amoureux non seulement de Marie mais d’Anne aussi, s’excusant toutesfois que cela n’est pas suffisante preuve pour l’accuser d’estre incons tant, par ce qu’il n’est du nombre de ceux qui ne font l’amour pour autre occasion que pour le dernier plaisir seulement, et quant à luy qu’il ne pretend autre bien, qu’avoir cet heur de leur baiser la main, les yeux, se repaissant plus volontiers de telles mignardises que d’une jouissance tost passée. Nemesis et Delie.) Les deux maistresses de Tibulle, voy ses Elegies. On me dira tantost.) C’étoit vergongne anciennement de se conten ter d’une dame, voy Properce qui s’en excuse avec reverence : Una contentum pudeat me vivere amica, Hoc si crimen erit, crimen amoris erit.
Je te hay bien (croy moy) maistresse,
Je te hay bien, je le confesse
Et te devrois encor plus fort
Hayr que je ne fais la mort.
Toutesfois il faut que je t’aime
Plus que ma vie et que moy-mesme,
Car plus ta fiere cruauté
Me rejette, plus ta beauté
(Pour mourir et vivre ayec elle)
A ton service me rappelle.
BELLEAU
Je te hay bien (croy moy) maistresse.) Il confesse
qu’encores qu’il aye mille occasions sufisantes pour