Janne me tient aussy dans les liens d’Amour,
Ore l’une me plaist, ore l’autre à son tour :
Ainsi Tibulle aimoit Nemesis, & Delie.
On me dira tantost que c’est une folie
D’en aimer, inconstant, deux ou trois en un jour,
Voire, & qu’il faudroit bien un homme de sejour,
Pour, gaillard, satisfaire à une seule amie.
Je repons à cela, que je suis amoureus,
Et non pas jouissant de ce bien doucereus,
Que tout amant souhaite avoir à sa commande.
Quant à moi, seulement je leur baise la main,
Je devise, je ry, je leur taste le sein,
Et rien que ces biens là d’elles je ne demande.
Amour estant marri qu’il avoit ses saigettes
Tiré contre Marie, & ne l’avoit blessée,
Par depit dans un bois sa trousse avoit laissée,
Tant que plene elle fust d’un bel essain[1] d’avettes.
Ja de leurs piquerons ces captives mouchettes
Pour avoir liberté la trousse avoient persée :
Et s’enfuyoient alors qu’Amour l’a renversée
Sur la face à Marie, & sus ses mammelettes.
Soudain, apres qu’il eut son carquois dechargé,
Tout riant sautela, pensant estre vangé
De celle, à qui son arc n’avoit sçeu faire outrage,
Mais il rioit en vain : car ces filles du ciel
- ↑ Essain est ce que les Latins apellent examen.
