imprimer ne faire imprimer aucunes des œuures qui par ledit de Rõsard ont esté & serõt cy apres faictes & cõposées, ne en exposer aucunes en vête, fi elles n'õt esté & sont imprimées par ses permission, licence & congé, ou de l’Imprimeur par luy choisy & cõmis à l’impression d’icelles, & ce sur peine de confiscation des liures ia imprimez ou a imprimer, & d’amêde arbitraire, tant enuers nous que enuers ledict de Ronsard, & des interestz & dõmaiges de l’Imprimeur par luy choisy & éleu, SI DONNONS en mãdemêt par ces presantes a noz amez & feaulx les gens de noz courtz de parlemêtz, Preuostz, Baillifz, Seneschaulx, & a tous noz autres iusticiers & officiers ou leurs lieutenãs & chacû d’eulx si cõme a luy appartiêdra, de noz presens iniunction, inhibitiõs & deffenses, & de tout le contenu en ces presentes, ilz facêt garder & obseruer de poinct en poinct selõ leur forme & teneur, come noz propres Edictz & Ordonances: Procedant ou faisant proceder contre les trãsgresseurs d’icelles, cõme infracteurs de nosdictes ordõnãces, & autres peines dessusdites, pourueu que esdictz liures n’y ait chose qui contrarie a la religion & foy catholique :nonobstant quelzconques edictz, ordõnances, priuileges, & lettres octroyées & a octroyer a ce contraires. Ausquelz & aux clauses derogatoires qui seroient ou pourroiêt y estre cõtenues, Nous auons derogé & derogeõs par cesdictes presentes, par lesquelles mandons & cõmandons au premier nostre huissier ou sergent sur ce requis, icelles signifier a tous Imprimeurs, Libraires, Marchans & autres qu’il appar-
