Cette page n’a pas encore été corrigée
Vœu d’vn chemineur a vne fontaine.
Pour m’eſtre dedans ton onde
Fonteine, deſalteré
Or’ que le chien aitheré
De ſoif tourmente le monde,
I’eleue a tes bors champeſtres
En trofée, pour guerdon
Et ma gourde,& mon bourdon,
Ma panetiere, & mes gueſtres
D’vn Vaneur de blé au vent Zefire.
Durant l’Eſté que i’ahanne
A mon fourment que ie vanne
Ca & là ſur mes genous.
Pour m’auoir Zefire dous
Euenté de tes deus ailes
Et le sein & les eſſelles,
Qui me faiſoient mal au cœur
De leur bouquineuſe odeur:
A toi Zefire, à ta Flore,
Et a ta compagne Clore,
En recompenſe i'apen
Mon fleau, ma fourche,& mon van.
