Qui furent ménagers tresbons,
Et de ceus de l’Iſle d’Egine,
Nous montrans par telle origine
Que les Myrmidons ancians,
Et les peuples Egineans
Eſtoient ſongneus de leur affaire,
Preuoyans l’heure neceſſaire,
Et qu’ils gardoient auarement
Leurs biens aquis peneuſement.
L’Inde n’est point si precieuſe
Pour ſa perle delitieuſe,
Que pour l’or que vous y trouués :
Les cornes qu’au chef vous aués
Sont des merueilles de l’Aſie :
Nulle plaisante poësie
Ou ſoit des Grecs ingenieus,
Ou des Latins laborieus,
Sans vous ne fut iamais parfaicte,
Ni ne pourroit, car le poëte
N’embellist ſes vers ſeulement
D’un orage, ou d’un tremblement,
D’une mer aus vents courroußée,
Ou de quelque foudre elancée :
Mais il embelliſt ſes raiſons
De dix mile comparaiſons
Qu'il prend de vous, & des ouurages
Que vous faictes en vos ménages.
Nature à tous les animaus
N'a pas fait des presens égaus :
Car aus uns des pieds elle donne,
Page:Ronsard - Le Bocage, 1554.djvu/76
Cette page n’a pas encore été corrigée
