A.D. 1275 | Anno tertio Edwardi I. | C. 46-48 | 57 |
juſtices; & si lattache vient a cele jour sauver ſes defautes, est les iſſues; & ſil ne vient, eit le Roi les issues; & justices le Roi le facent liverer en Garderobe; Justices du Baunk a Westm' les facent liverer al Escheqer; Justices en Eire al Viscount de cele Counte, ou il pledent, auxibien come des foreins Countees, & de ceo soit charge en somonsper roulle des Justices.
Urveu est ensement, & per le Roi comaunde,
que les Justices al Baunk le Roi & Justices de
Baunk a Westm' desoremes perpledent les plees atterminez
a un jour, en ceo que rien soit arraine,
ou comence des plees del jour ensuant, hors pris
qe les essoignes soient entres, juggez, & renduz;
& per acheson de ceo nul homme se assie, qil ne
viegne a son jour, qe done lui est.
Urveu est enfement, qe fi nul homme desoremes
purchace briefs de novel disseisine, & celui,
sur qile brief vient come principal disseisour, morge
avant que lassise est passe, qe le pleintif eit son brief
dentre souridu sur disseisine fur le heir, ou sur les
heires a le disseisour lour aunceſtre, ou sur lour
heires, de quele age qils foient. [En mesme le manere eit le heir, on les heirs al disseisi, lours briefs denire sur les disseisours lour auncestres, ou sur lur heires de quele age qils soient,] fs per aventure le disseisi morge
avant qil eit son purchace faite; issi qe per le nonnage
des heirs dun part & dautre ne soit le brief abatu,
ne le plee delaie; mes a quaunt qe lem poet
faunz lei offendre, soit haste pur la fresche seute
apres la disseisine. En mesme la manere soit ce
point garde en droit des Prelates, gentz de religion,
& autres, a queux terre ou tenement en nulle
manere puis devenir apres autri mort, le quel qil
soient disseises, ou disseisours. Et si les parties empledant
descendent en enqueste, & ele passse countre
le heir dedeinz age, & nomement encountre le
heir al disseise, qil en ce cas eit lateinte de la grace
le Roi.
I gardein, chief seignur, feffe nul homme de la
terre qest del heritage a lenfaunt qest dedeinz
age, &r eux [en] sa gard, a la disheritifon del heir,
purveu est, qe le heir maintenant eit son recoverir
per brief de novel disseisine vers son gardein, &
vers le tenaunt; & soit la seisine bailie per Justices,
si ele soit recovere, al proschein amy, a qi le-