| A. D. 1293. | Anno viceſimo primo Edwardi I. | Stat. 1. | 129 |
II y ad unqore une manere de moneye qeſt fait en Avynein deſouz le noun Edward Roi Dengleterre qe pois auxi poi ou meins qe la monoie de la mitre & ceo ne poet eſtre conue ſi ceo ne ſoit per pois.
Lautre fauſin qe lem faite en la monoie ſi eſt qil ad aſcuns qi portent plates de peutre ou de plombe a la fourme dun denier ſi les mettent entre deux foilles dargent & puis les ferrount ou en coigne ou en quire ou autre denier bien forge ad eſte feru.
Les autres auxibien de cea come de la retoundent la bone & loial monoie au damage de toute la comunalte.
Ceſtes monoyes qe ſount faites ou retounduz hors Dengleterre ſount apportez per treſpaſſourz & nomement per marchauntz Et purceo qils ſavent bien qe homme les ſerche a Dovorr’ il les mettent entre draps en bales ſi ne viegnent nient a Dovorr’ ne a Sandewiz mes ils viegnent a Loundres ou en Eſſex’ ou en Suſſex’ ou en Lyndeſey les queux choſes ſi eles fuiſſent longement ſuffertz celes metteront la monoye Dengleterre toute a nient.
