A. D. 1275. Anno tertio Edwardi I. C. 12 — 15 45
CAP. XII.
Cotton MS.
Urveu est ensement, qe les felouns escriez, &
qe sont apertement de male same, & ne se voilient
mettre en enqueste des felonies, qe lem lui
mette suire devant Justices a la suite le Roi, soient
mys en la prisone forte & dure, come ceux qi refusent
estre a la commune ley de la terre. Mes ce
nest mye a entendre pur prisons, qui font pris pur
leger suspecioun.
CAP. XII.
T le Roi defende qe nul ne ravise, ne preigne
a force, damiselle dedeinz age, ne per son
gree, ne sauns son gree, ne dame ne damoiselle
dage, nautre femme malgre soen; Et si nul le face,
a la suite celui qi suera dedeinz les quarant jours,
le Roi lui fra comune droiture; & si nul comence
la suite dedeinz quarant jours, le Roi suiera; &
ceux qil trovera coupables, si averont la prisone de
deux anns, & puis serront reintz a la volunte le
Roi; & sil neient dount estre reintz a la volunte le
Roi, si soient puny per pluis longe prisone, felonc
ceo qe le trespas demande.
CAP. XIV.
T purceo qe lem ad use de utlager en ascuns
pais les gentz appellez de comandement, force,
eyde, & ce rettement [recettement] dedeinz mesme
le terme, qe homme doit utlager celuy qest appelle
del fait. Purveu est & graunte per le Roi, qe nul
soit utlage per apel de comaundement, force, eyde,
& receitement, jesqz atant qe lapele del saite soit
atteint, issint qune mesme ley soit de ceo per toute
la terre: mes celuy qi appele, ne lesse pas pur ceo
dattachier son appele al proschein Countee vers
ceux, auxibien come vers les apelez del sait; mes
lexigende de eux demoerge, tant come les appellez
del sait soient atteintz per utlagarie, on. autrement.
C A P. XV.
T purceo qe les Viscountes, & autres, qi ount
pris & detenuz en prisone gentz rettez de felonie,
neintfoits ount leffez per plevine la gent qe
ne sont mie replevisables, & ount detenuz en prisone
ceux qe estoient replevisables, per acheson de
ganer de eux, St de graver les autres. Et purceo
qavant ces houres ne fuist mie termine certeinement
queux feurent replevisables, & queux non,
