| A.D. 1275 | Anno tertio Edwardi I. | C. 17,18. | 47 |
Cotton MS
PUrveu est ensement, qe si nul deforemes preigne les averes des autres, & les face chacer al Chattel ou al forcelette, & illeoqes dedeinz clos del Chastel, ou de la forcelette, les deteigne encountre gage & plegge, puis qe les averes serront solempnement demandez per le Viscounte ou per le Baillif le Roi; a la suite del pleintif, qe le Viscounte ou le Baillif prise ov luy poyerde son Countee, ou de sa baillie, voit asslaier de faire le plevin des averes a celuy qe pris les averes, ou a son Seignur, ou as autres des hommes son Seignur qeconques soit trove al leu, ou les averes furont enchacez; & si lem luy deforce la deliveraunce des averes, ou qe ne trove homme pur le Seignur, ou per celui qi les avera pris, quen respoigne & face la deliveraunce, apres ceo qe le Seignour al pernour, per Viscounte ou per Baillif en serra amoneſtee, sil est en pais, ou pres, ou qil purra per le pernour, ou per autre des soens covenablement estre garny de faire la deliveraunce, sil fuiſt hors de eel pais, quant la pris fuiſt fait, & ne face adonqes maintenant les averes deliverer, qe le Roi pur le dispit, & pur le trespas, face abatre le Chastel, ou le forcelette saunz relever; & toute le damage qe le pleintif avera resceu de ses averes, ou de son gainage destourbe, ou en autre manere, puis le primer demaunde des averes faite per le Vidcounte ou per le Baillif, lui doient redtorez au double de celui qe les averes avera pris, dil ad de quoi; & dil nad de quoi, eit del Seignur quele houre, & en quele manere la deliveraunce doit fait, apres ceo qe le Vidcounte ou le Baillif y derra venue pur la deliverance faire. Et fait assavoir, qe la ou le Viscounte devera faire retourne del brief le Roi al Baillif le Seignur del Chastel, ou de la forcelette ou autre, a qi retourne del brief le Roi a ceo appent, si le Baillif de cele fraunchise ne face la deliverance, puis qil avera le retourne, face le Viscount son office saunz delaie, sicome il est avantdit, & sur lavantdite peyne: & per mesme la manere soit faite la deliverance per attachement de pleint fait saunz brief, & sur mesme la peyne. Et ceo fait a entendre per tout la, ou le brief le Roi court. Et si ceo est en la marche de Gales, ou aillours la ou le brief le Roi ne court mye, le Roi, qi est soveraine seignur, en fra droit a ceux qe pleindre se voudront.
PUR ceo qe la commune fine & amerciement de toute le Countee en Eire des Justices per faux jugementz, ou per autre trespas, est assis per Viscountes & Barettours des countees malement, issint qe la fomme est meintfoitz encru, & les parcelles autrement assis qestre ne deussent, al damage del poeple, & plusours foitz sont paiez a Viscountes Barettours, qe point ne les acquitent; purveu est, & voet le Roi, qe deformes en Eire des Justices
