| A. D. 1275. | Anno tertio Edwardi I. | C. 21, 22. | 49 |
purveu & acorde est enfement, qe si nul ne fuist dedeinz lan & le jour puis le trespas faite, le Roi avera la suite; & ceux qil trova rettez de ceo per bone enqueste, serrount puniz per mesme la manere en touz pointz, sicome desuis est dit. Et si nul tiel mesfefour soit atteint, qil eit prfs en ces parkes-bestes damages, [domesches] ou autre chose en martere de roberie, en venaunt, ou demurant, ou en retournant, soit fait de luy eomune ley qe afiert a celuy qi est atteint dap’ert roberie & larcine, auxibien a la suite le Roi, come dautre.
ENdroit des terres des heirs deinz age, qi sont en la garde lours seignurs; purveu est, qe le gardeins les gardent, & lour sustenent, saunz de- stuction faire en toute rien ; & qe de cele manere des gardes soit fait en touz points, selone ceo qil est contenu en la graunde Chartere des fraunchises le Roi Henry, pier le Roi qore est, & qe issint soit usee desoremes: & per mesme la manere soient gardes les Erchevesqes, Evesqes, Abbeys, Eglises, & Dignitees, eh temps de vacation.
DES heirs mariez dedeinz age, saunz le gree lour gardeins, avant qils eient passe lage de xiiii. annz, soit fait selonc ceo qest contenue en la purveance de Merton.: & de ceux qi serront mariez saunz le gree lour gardeins, puis qils averont passe xiiii. annz, le gardein eit la double value de son manage, selonc le tenourde mesme la purveance: & estre ceo ceux qaveront sustret la mariage, rendent le droite value del mariage au gardein pur le trespas, & ja le meins le Roi eit les amendes, selonc mesme cele purveance. Des heirs femeles, puis qe eles averont complie lage de xiiii. annz, & le Seignur, a qi le mariage apent, cele ne voudra marier, mes pur coveteise de la terre cele voudra tenir de marier; purveu est, qe le Seignur ne puis aver, ne tenir, per acheson del mariage, les terres a ceux heirs femels outre deux annz apres ie terme les avantditz xiiii. anns: et si les Seignurs dedeinz ces deux annz ne les marient, donqes eient eles action de recoverir lour heritage quitement, saunz rien doner pur la garde, ou pur la mariage : & si eles per malice, ou per malveis counseil, ne se voillcnt pour lour chief Seignur marier, ou eles ne seient desparagez, qe les Seignurs tiegnent la terre & leritage jesqe al age del male, cest assavoir, de xxi. annz, & outre, taunt qils eient pris la value del mariage.
