| A. D. 1275. | Anno tertio Edwardi I. | C. 28–30. | 51 |
cienement feust usee; & qi autrement le fra, rendra le treble de ceo qil avera pris, & perdra le service son seignur per un an.
T que null Clerc le Roi, ne de ses Justices,
ne resceive desoremes presentement desglife,
dount plei ou contek soit en la Court le Roi,
saunz especial congie le Roi; & ceo defend il sur
peine de perdre son service: Et que nul Clerc de
Justice, ne de Viscont, ne mainteigne parties en
quereles, nen busoignes qe sont en la Court le Roi,
ne fraude ne face, pur commune drditure delaier
ou destourber; & si nul le fait, il serra puny per la
peine proscheinement avaunt dite, ou per plus
grevous, si le trespas le requert.
Urveu est enfement, qe si nul serjaunt, Count
[Countre]] ou autre, face nule manere de deceite,
ou de collusion en la Court le Roi, ou consente
de faire la en deceite de la Court, & pur enginer
la court, ou la partie, & de ceo soit atteint;
lors eit la prisone dun an & dun jour, & mes ne
soit oie en la Court a counter per nulluy. Et si
ceo est autre que countour, per mesme la manere
eit la prisone dun an & dun jour a tout le meins;
& si le trespas demaunde greivoure peine, soit a la
volume le Roi.
T puree qe multz des gentz se pleinent qe les
serjauntes, criours de see, & les Mareschalx
des Justices en Eyre, & des autres Justices, percent
a tort deniers de ceux qi recoverent seisine de
terre, ou qui wainent [gaignent] lours querels, &
de fine leve, & des jurours, viles, prisonns, & des
autres attachez a plee de la corone, autrement qe
faire ne deussent, en multz des maneres; & de
ceo qil y ad pluis graunt nombre deux qe aver ne
deust, per quei le poeple est malement greve; le
Roi defende, qe cestes choses ne soient faites deforemes;
& si nul serjeaunt de fee le face, loffice
soit pris en la main le Roi; et si Mareschals des
Justices le facent, soient puniz grevement a la voiunte
le Roi; & a touzles pleintifs, lun & lautre,
tende le treble de ceo qil avera issi pris.
