Le texte de cette page a été corrigé et est conforme au fac-similé.
CI ENCOUMENCE
Li diz de l’Universitei de Paris[1].
Ms. 7633.
![Séparateur](http://upload.wikimedia.org/wikipedia/commons/thumb/7/74/Sep4.svg/100px-Sep4.svg.png)
Rimeir me convient d’un contens
Où hon a mainz divers contens
Despendu et despendera :
Jà siècles n’en amendera.
Li clerc de Paris la citei
(Je di de l’Universitei,
Nouméement li arcien,
Non pas li preudoms ancien)
Ont empris .i. contans encemble.
Jà bien n’en vanrra, ce me cemble,
Ainz en vanrra mauz et anuiz,
Et vient jà de jors et de nuiz.
Est or ce bien choze faisant ?
Li filz d’un povre païsant
Vanrra à Paris por apanre :
Quanques ces pères porra panrre
En un arpant ou .ij. de terre,
Por pris et por honeur conquerre,
Baillera trestout à son fil,
Et il en remaint à escil.
- ↑ Voyez la note S, à la fin du volume, pour les circonstances qui ont donné naissance à cette pièce.